Vestlandsforsking har fått i oppdrag frå Luster kommune å gjere ei innbyggjarundersøking i kommunen. Denne er særskilt knytt til cruisetrafikken til og frå Skjolden.

Basert på funn i innbyggjarundersøkinga vil vi sjå nærare på verdiskaping knytt til cruisetrafikken. Underleverandøren SPOR vil gjere ei sjølvstendig vurdering av utfordringar knytt til villrein og reiseliv.

Analysane vil gje kommunen betre innsikt i kva barrierar og handlingsrom som ligg i kapasitet, infrastruktur og trafikkbelastning for cruisetrafikk i kommunen.

Arbeidet vert utført i samband med oppdraget «Moglegheitsstudie og tolegrenseanalyse for Sognefjorden» for Sognarådet.