Denne rapporten er ei oppsummering av utfordringar knytt til villrein i samband med reiselivs- og friluftsrelatert ferdsel i villreinområda i Luster kommune. Vi diskuterer mellom anna tidlegare opning av Sognefjellsvegen, kompetansebehov i reiselivet og samarbeid mellom reiseliv, friluftsliv og forvaltning. Rapporten inneheld også konkrete råd for tilrettelegging og informasjon til brukarane av villreinfjellet.
Rapporten er ein underleveranse til tilleggsoppdraget som Stiftinga Vestlandsforsking har fått av Luster kommune, i samband med toleevneanalysen som vert utført i Sogn. Rapporten er skrive av Haaken Christensen, økolog og rådgjevar i Spor Natur og Reiseliv AS. Parallelt har SPOR gjort eit liknande prosjekt i Aurland kommune knytt til reetablering av villrein i Nordfjella sone 1. Mange av funna er overlappande og fleire av anbefalingane går igjen i begge rapportar.