Forregion Vestland
Vestland fylkeskommune, Høgskulen på Vestlandet og Stiftinga Vestlandsforsking er partane i prosjektet Forregion Vestland.
Føremålet med prosjektet er å mobilisere næringslivet til i større grad å nytte forsking i innovasjonsarbeidet.
Hovudmål
Meir bruk av forsking i næringslivet som kan bidrar til innovasjon, berekraftig verdiskaping, grøn konkurransekraft og klimaomstilling i Vestland fylke.
Delmål
1) Høg kvalitet på aktiviteten i prosjektet og leveranse i tråd med fastsett prosjektplan.
2) Fleire bedrifter som samarbeider med forskingsmiljø om sine innovasjonar
3) Reduserte geografiske skiljeliner med omsyn til bruk av forsking mellom by og land i heile det nye fylket, og auka erfaringsdeling på tvers av sektorar.
Verkemiddel i Forregion Vestland:
FORREGION Vestland vil i 2026 vidareføre satsinga med ei tydeleg mobiliseringsaktivitet
gjennom kompetansemekling, FoU møte og tilrettelegging for samarbeid mellom forskingsmiljø og
bedrifter gjennom ordninga Forskar til Låns og Bedriftsmobilitet. Det vil vidare bli midlar til finansiering
av tidleg fase forskingsprosjekt der bedrifter utan særleg forskingserfaring samarbeider med FoU- organisasjonar
om eit innleiande FoU-arbeid.
Tematiske prioriteringar
Vestland fylke står overfor omfattande utfordringar knytt til å redusere avhengigheita av
oljeindustrien og fremje grøn omstilling. For å lukkast med dette, er det naudsynt med
forsking som kan bidra til sirkulær økonomi forankra i vestnorske naturressursar, fortrinn og
kompetansemiljø.
Det er behov for meir forsking på grøn teknologiutvikling innan fagområde der Vestland fylke
har særlege fortrinn, slik dette er definert i Vestlandsporteføljen 2.0. Her er det ei særleg
utfordring å få meir ny kunnskap om teknologisk, biologisk og økonomisk grunnlag for
berekraftig vekst innan dei marine næringane.
Det er behov for meir kunnskap om føresetnader for vellukka sirkulærøkonomiske løysingar,
til dømes basert på industriell symbiose. Dette inkluderer forsking som kan sikre at Vestland
fylke blir ein sentral bidragsytar til det nasjonale samfunnsoppdraget om berekraftig fôr til
landbruk og havbruk.
I tillegg er det naudsynt med forsking på føresetnader for eit grønt reiseliv med
destinasjonsutvikling basert på lokal mat- og drikkeproduksjon samt kultur- og
naturressursar.
Utfordringar knytt til å utvikle helseindustri som eit viktig næringsområde med stort
eksportpotensial for bedrifter i Vestland fylke må òg adresserast gjennom forsking.
Startdato:
Sluttdato:
Finansiert av:
Vestland fylkeskommune
I samarbeid med:
Mohnsenteret for innovasjon og regional utvikling ved Høgskulen på Vestlandet
Vestland fylkeskommune
Prosjektnummer:
6577
Prosjektleiar:
Prosjektmedarbeidarar:
Publikasjon(ar):
Aktuelt:
