For å oppnå merket for berekraftig reiseliv må kommuner/ destinasjonar med cruisehamner utføre ei tolegrenseanalyse. Analysa, og kva dimensjonar ein vektlegg i arbeidet må tilpassast utfordringane ved den enkelte destinasjon. Vi utfører analysen i nært samarbeid med oppdragsgjevar og har helst eit kort feltarbeid for å kunne forankre problemstillingane og spørsmåla best mogleg lokalt. Slike tolegrenseanalysar innheld gjerne også ei tilpassa innbyggarundersøking, samt måling av klimagassutslepp ved cruisehamner. Vestlandsforsking har erfaring med å gjennomføre slike spørjeundersøkingar som er tilpassa dei særeigne utfordringane kommunen/ destinasjonen står oppe i.